തൃശൂര്‍ അന്തിക്കാട് മിനി സിവില്‍ സ്റ്റേഷന് ലിങ്ക് റോഡില്‍ വെള്ളക്കെട്ട് രൂക്ഷം. വെള്ളക്കെട്ട് ഒഴിവാക്കാന്‍ അടിയന്തിര നടപടി സ്വീകരിക്കണമെന്നാണ് നാട്ടുകാരുടെ ആവശ്യം.അന്തിക്കാട് പഞ്ചായത്ത് ബസ് സ്റ്റോപ്പിന് എതിര്‍ വശത്തുള്ള റോഡിലാണ് വെള്ളക്കെട്ട് രൂപപ്പെട്ടിരിക്കുന്നത്. ശക്തമായ മഴ പെയ്താല്‍ ഈ പ്രദേശത്ത് വെള്ളക്കെട്ട് രൂക്ഷമാകും. ഈ വഴി ആളുകള്‍ക്ക് നടന്ന് പോകാന്‍ പോലും ബുദ്ധിമുട്ടാകും.
വെള്ളക്കെട്ടിനോട് ചേര്‍ന്നാണ് ടാക്‌സി സ്റ്റാന്റുള്ളത്. വാഹനങ്ങള്‍ പാര്‍ക്കുചെയ്താല്‍ യാത്രക്കാര്‍ക്ക് വെള്ളക്കെട്ടിലൂടെ വേണം യാത്ര ചെയ്യാന്‍.അന്തിക്കാട് മിനി സിവില്‍ സ്റ്റേഷന്, എക്സൈസ് ഓഫീസ്, വില്ലേജ് ഓഫീസ്, തുടങ്ങിയ ഓഫീസുകളിലേക്ക് എത്തിക്കണമെങ്കില്‍ ഈ റോഡ് വഴി വേണം സഞ്ചരിക്കാന്‍. വെള്ളകെട്ടൊഴിവാക്കാന്‍ അടിയന്തിര നടപടി സ്വീകരിക്കണമെന്നാണ് നാട്ടുകാരുടെ ആവശ്യം.
