കടുത്ത ഉഷ്ണത്തിനിടയിലും രാത്രി ഇടയ്ക്കിടെ വൈദ്യുതി പോകുന്നതിൽ പ്രതിഷേധിച്ച് ആലുവ തോട്ടക്കാട്ടുകര നിവാസികൾ വൈദ്യുതി ഓഫീസ് ഉപരോധിച്ചു. സ്ഥിരമായി തോട്ടക്കാട്ടിലെ മേഖലയിൽ രാത്രികാലങ്ങളിൽ വൈദ്യുതി പോകുന്നത് പതിവാണ്.
ഇതാണ് നാട്ടുകാരെ പ്രകോപിച്ചത്. ആളുകൾ കുടുംബമായിട്ടാണ് കെ എസ് ഇ ബി ഓഫീസിലേക്ക് പോയത്. ഫീഡർ തകരാറിലാണ് എന്നായിരുന്നു കെഎസ്ഇബി ജീവനക്കാരുടെ മറുപടി. ഇതോടെ വീട്ടിലേക്ക് തിരിച്ചു പോകാതെ പുലർച്ചെ 2 മണിവരെ നാട്ടുകാർ ഓഫീസ് പരിസരത്ത് തന്നെ നിന്നു. പോലീസും സ്ഥലത്ത് എത്തിയിരുന്നു.
