കണ്ണൂര്‍ നഗരത്തില്‍ കുട്ടികള്‍ ഉള്‍പ്പടെ 51ലധികം പേരെ പിന്തുടർന്ന് കടിച്ച് പരിക്കേൽപിച്ച് തെരുവുനായയെ ഒടുവിൽ ചത്ത നിലയിൽ കണ്ടെത്തി. പുതിയ ബസ് സ്റ്റാന്‍ഡിന് സമീപത്ത് ഇന്ന് രാവിലെ 11.30 നാണ് തെരുവുനായ ആക്രമണമുണ്ടായത്.എസ്ബിഐ പരിസരം, പ്രഭാത് ജംഗ്ഷന്‍ തുടങ്ങിയ സ്ഥലങ്ങളിലേക്ക് എത്തിയ ആളുകളെ നായ പിന്തുടര്‍ന്ന് കടിക്കുകയായിരുന്നു.
പരിക്കേറ്റവര്‍ കണ്ണൂര്‍ ജില്ലാ ആശുപത്രിയില്‍ ചികിത്സ നേടി. എല്ലാവരുടെയും കാലിനാണ് പരിക്കേറ്റത്. ആക്രമണം നടത്തിയ തെരുവ് നായയെ താവക്കരയില്‍ ചത്ത നിലയില്‍ കണ്ടെത്തി.
