Share this Article
Union Budget
അമ്പലക്കാളയുടെ കുത്തേറ്റ്​ ക്ഷേത്രക്കമ്മിറ്റി അംഗം മരിച്ചു; കുത്തേറ്റത് തീറ്റ നൽകാൻ അഴിച്ച് കൊണ്ട് പോകുന്നതിനിടെ
വെബ് ടീം
posted on 08-07-2025
1 min read
BULL

കോതമംഗലം:എറണാകുളം ജില്ലയിൽ വാരപ്പെട്ടി മഹാദേവ ക്ഷേത്രത്തിലെ കാളയുടെ കുത്തേറ്റ്​ ക്ഷേത്ര കമ്മിറ്റി അംഗം മരിച്ചു. വാരപ്പെട്ടി പട്ടമ്മാട്ട് പദ്മകുമാർ (53) ആണ് മരിച്ചത്.ക്ഷേത്രത്തിൽ വളർത്തുന്ന കാളയെ ചൊവ്വാഴ്ച രാവിലെ തീറ്റ നൽകാൻ അഴിച്ച് കൊണ്ട് പോകുന്നതിനിടെയാണ്​ കുത്തേറ്റത്​. വാരിയെല്ലുകൾ തകർന്ന് ഗുരുതരമായി പരിക്കേറ്റ്​ പദ്മകുമാറിനെ കോതമംഗലം ബസേലിയോസ് ആശുപത്രിയിൽ എത്തിച്ചെങ്കിലും മരിച്ചു.

മൂവാറ്റുപുഴ ജനറൽ ആശുപത്രിയിൽ പോസ്റ്റ്മോർട്ടം നടത്തി ബന്ധുക്കൾ ഏറ്റുവാങ്ങി വീട്ടുവളപ്പിൽ സംസ്കരിച്ചു. കാറ്ററിങ്​ തൊഴിലാളിയാണ്. പിതാവ്: പരേതനായ അയ്യപ്പൻ നായർ. അമ്മ: ഇന്ദിര. സഹോദരൻ. ഗോപകുമാർ.


നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ കൈക്കുമ്പിളിൽ
Share this Article
Related Stories