തിരുവനന്തപുരം മര്യനാട് വള്ളം മറിഞ്ഞ് മത്സ്യത്തൊഴിലാളി മരിച്ചു. മര്യനാട് അർത്തിയിൽ പുരയിടത്തിൽ അലോഷ്യസ് ആണ് മരിച്ചത്. രാവിലെ ആറുമണിക്കാണ് സംഭവം. അലോഷ്യസ് ഉൾപ്പെടെ 6 പേർ വള്ളത്തിൽ ഉണ്ടായിരുന്നു.
കരയിൽ നിന്നും അധികം ദൂരത്തല്ലാത്ത ഇടത്ത് വെച്ച് ഉണ്ടായ ഉയർന്ന തിരമാലയിൽ വള്ളം മറിയുകയായിരുന്നു. ഒപ്പം ഉണ്ടായിരുന്നവർ നീന്തി കയറി, അവശനായ അലോഷ്യസിനെ മെഡിക്കൽ കോളേജ് ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല.
