തിരുവനന്തപുരം കിളിമാനൂരിൽ ഇന്ധന ടാങ്കര് തോട്ടിലേക്ക് മറിഞ്ഞ് അപകടം. തട്ടത്തുമലയില് ഇന്ന് പുലര്ച്ചെ 2.30ഓടെയായിരുന്നു സംഭവം. കോട്ടയത്ത് നിന്നും പതിനാറാം മൈലിലെ പെട്രോൾ പമ്പിലേക്ക് പോവുകയായിരുന്ന ടാങ്കര് ലോറിയാണ് നിയന്ത്രണം വിട്ട് മറിഞ്ഞത്.
അപകടത്തെ തുടര്ന്ന് എറണാകുളം സ്വദേശികളായ ഡ്രൈവർ അനുരാജ്, ക്ലീനർ ബിനു എന്നിവരെ തിരുവനന്തപുരം മെഡിക്കല് കോളേജ് ആശുപത്രിയിലേക്ക് മാറ്റി. മഴയില് നിയന്ത്രണം വിട്ട് ലോറി തെന്നിമാറിയതാണെന്നാണ് വിവരം.ടാങ്കറില് നിന്നും ഇന്ധനം തോട്ടിലെ വെള്ളത്തില് ചോർന്നിട്ടുണ്ട്.
