തൃശ്ശൂർ - കുന്നംകുളം റോഡ് നവീകരണ പ്രവൃത്തികളുടെ പുരോഗതി വിലയിരുത്തുന്നതിനായി ജില്ലാ കളക്ടർ അർജുൻ പാണ്ഡ്യനും സംഘവും അയ്യന്തോൾ സിവിൽ സ്റ്റേഷൻ മുതൽ ചൂണ്ടൽ വരെയും തിരിച്ചും 40 കിലോ മീറ്റർ സൈക്കിൾ റാലി നടത്തി. 2024 ഒക്ടോബറിൽ ഈ റോഡ് മോശം അവസ്ഥയിലായിരുന്നപ്പോൾ സ്ഥിതിഗതികൾ വിലയിരുത്തുന്നതിനായി ജില്ലാ കളക്ടറും സംഘവും ഇതേ റോഡിൽ സൈക്ലിംഗ് നടത്തിയിരുന്നു.
തൃശ്ശൂർ - കുന്നംകുളം റോഡിൻ്റെ നവീകരണ പ്രവൃത്തികൾ ഫെബ്രുവരി 20 നകം പൂർത്തിയാകുമെന്ന് കെഎസ്ടിപി അധികൃതർ അറിയിച്ചു. തൃശ്ശൂർ സൈക്ക്ളേഴ്സ് ക്ലബിൻ്റെ നേതൃത്വത്തിൽ നടത്തിയ സൈക്കിൾ യാത്രയിൽ കളക്ടറോടൊപ്പം 50 ക്ലബ് അംഗങ്ങൾ പങ്കെടുത്തു.തൃശ്ശൂർ - കുറ്റിപ്പുറം കെ.എസ്.ടി.പി റോഡ് നിർമ്മാണ പ്രവൃത്തികൾ അവലോകനം ചെയ്യുന്നതിനായി ജില്ലാ കളക്ടറുടെ അധ്യക്ഷതയിൽ രൂപീകരിച്ച വകുപ്പ് ഉദ്യോഗസ്ഥരും ജനപ്രതിനിധികളും ഉൾപ്പെട്ട സംയോജന സമിതി എല്ലാ മാസവും അവലോകനം നടത്തുന്നുണ്ട്.
