തൃശൂർ: മാടക്കത്തറയിൽ വീട്ടുകിണറ്റിൽ വീണ 72കാരിയെ അതിസാഹസികമായി രക്ഷപ്പെടുത്തി അഗ്നിശമനസേന അംഗങ്ങൾ. ആളുടെ അമ്മ ഓമന ( 72 വയസ്സ് ) വീഴുകയായിരുന്നു.കുറിച്ചികര താമസിക്കുന്ന ജിജോയുടെ 'അമ്മ ഓമനയാണ് കിണറ്റിൽ വീണത്.
സേനയെ വിവരം അറിയിച്ചതിനെ തുടർന്ന് അസിസ്റ്റന്റ് സ്റ്റേഷൻ ഓഫീസർ ടി. പി റഷീദ് ന്റെ നേതൃത്വത്തിൽ സംഭവസ്ഥലത്ത് വേഗത്തിൽ എത്തുകയും ഫയർ & റെസ്ക്യൂ ഓഫീസർ മാരായ എം മഹേഷ്‌, ടി വി അഖിൽ കുമാർ എന്നിവർ (50 അടിയോളം താഴ്ച്ചയും, 8 അടി വീതി, 15 അടിയോളം വെള്ളം )ഉള്ള കിണറ്റിൽ റോപിലൂടെ അതിവേഗത്തിൽ രണ്ട് പേരും സാഹസികമായി ഇറങ്ങുകയും റെസ്ക്യൂ നെറ്റ് ലേക്ക് കയറ്റുകയും മുകളിൽ ഉള്ള സേന അംഗങ്ങൾ പുറത്ത് എത്തിക്കുകയും ചെയ്തു.
സീനിയർ ഫയർ & റെസ്ക്യൂ ഓഫീസർ പി.ആർ രഞ്ജിത്ത്, ഫയർ & റെസ്ക്യൂ ഓഫീസർമാരായ എസ് സുബീർ, ജിബിൻ, അശ്വന്ത്‌, ഹോം ഗാർഡ് എൻ പി ഷാജി എന്നിവരും രക്ഷപ്രവർത്തനത്തിൽ ഉണ്ടായിരുന്നു. സേനയുടെ അതിവേഗത്തിൽ ഉള്ള പ്രവർത്തനത്തിലൂടെ 72കാരിയുടെ ജീവൻ രക്ഷപ്പെടുത്താൻ സാധിച്ചു.
