സാഫ് അണ്ടര്‍ ട്വന്റി ചാംപ്യന്‍ഷിപ്പില്‍ ഇന്ത്യക്ക് വിജയ തുടക്കം.ഗ്രൂപ്പ് ബിയില്‍ നടന്ന മത്സരത്തില്‍ ഏകപക്ഷീയമായ ഒരു ഗോളിന് ഇന്ത്യ ഭൂട്ടാനെ പരാജയപ്പെടുത്തുകയായിരുന്നു
മത്സരത്തിന്റെ ആദ്യ പകുതിയില്‍ മോനിറുള്‍ മൊല്ല നേടിയ ഹെഡര്‍ ഗോളിലൂടെ ഇന്ത്യ മുന്നിലെത്തി.രണ്ടാം പകുതിയില്‍ ഭൂട്ടാന്‍ മത്സരത്തിലേക്ക് തിരിച്ചുവരാനുള്ള നീക്കങ്ങള്‍ നടത്തിയെങ്കിലും ഇന്ത്യ ഭൂട്ടാന്റെ പോരാട്ട വീര്യത്തെ പിടിച്ചു കെട്ടുകയായിരുന്നു.മൂന്ന് റെഡ് കാര്‍ഡുകള്‍ കണ്ട മത്സരത്തില്‍ ഇന്ത്യ 69 ആം മിനുട്ടില്‍ ഒന്‍പതുപേരായി ചുരുങ്ങി.
പിന്നീട് പത്തുപേരുമായി ഭൂട്ടാന്‍ ഇന്ത്യന്‍ ഗോള്‍ പോസ്റ്റിലേക്ക് മുന്നേറ്റങ്ങള്‍ നടത്തിയെങ്കിലും പ്രതിരോധം ശക്തമാക്കി ഇന്ത്യ ഈ മുന്നേറ്റങ്ങളുടെ മുനയൊടിച്ചു.മത്സരത്തില്‍ സെറ്റ് പീസുകളില്‍ ഇന്ത്യ അപകടകരമായ നീക്കങ്ങള്‍ നടത്തിയെങ്കിലും ഗോളാക്കി മാറ്റാന്‍ മാത്രം സാധിച്ചില്ല. ഓഗസ്റ്റ് 23 ന് ഗ്രൂപ്പിലെ അവസാന മത്സരത്തില്‍ ഇന്ത്യ മാലിദ്വീപ്‌സിനെ നേരിടും
