കൊച്ചി: രണ്ടുദിവസം മാറ്റമില്ലാതെ തുടര്ന്ന സ്വര്ണവിലയിൽ ഇന്ന് ഇടിവ്. 120 രൂപ കുറഞ്ഞ് ഒരു പവന് സ്വര്ണത്തിന്റെ വില 44,040 രൂപയായി. ഗ്രാമിന് 15 രൂപയാണ് കുറഞ്ഞത്. 5505 രൂപയാണ് ഒരു ഗ്രാം സ്വര്ണത്തിന്റെ വില.
ഓഗസ്റ്റ് 21 മുതല് സെപ്റ്റംബര് നാല് വരെ സ്വര്ണവില ഉയരുന്ന കാഴ്ചയാണ് കണ്ടത്. 21ന് 43,280 രൂപയായിരുന്നു സ്വര്ണവില. രണ്ടാഴ്ചക്കിടെ ഏകദേശം ആയിരം രൂപ വര്ധിച്ച് നാലിന് 44,240 രൂപയായി ഉയര്ന്ന് ഈ മാസത്തെ ഏറ്റവും ഉയര്ന്ന നിലവാരത്തിലേക്ക് സ്വര്ണവില എത്തി.
തുടര്ന്ന് 14 വരെയുള്ള പത്തുദിവസ കാലയളവില് സ്വര്ണവില കുറയുന്ന കാഴ്ചയാണ് ദൃശ്യമായത്. 14ന് 43,600 രൂപയായി താഴ്ന്ന് ഈ മാസത്തെ ഏറ്റവും താഴ്ന്ന നിലവാരത്തിലേക്കും സ്വര്ണവില എത്തി. പിന്നീടുള്ള ദിവസങ്ങളില് തുടര്ച്ചയായി വില ഉയര്ന്ന ശേഷം ആദ്യമായാണ് ഇന്ന് വില താഴ്ന്നത്.
