കൊച്ചി: സംസ്ഥാനത്ത് സ്വർണവിലയിലുള്ള കുതിപ്പ് തുടരുന്നു. വില പുതിയ റെക്കോർഡിട്ട് മുന്നേറുകയാണ്. ഉച്ചക്ക് ശേഷവും കൂടി. സ്വർണവില ഗ്രാമിന് 175 രൂപ വർധിച്ച് 15,315 രൂപയായി. പവന്റെ വില 1400 രൂപ വർധിച്ച് 1,22,520 രൂപയായി. 18 കാരറ്റ് സ്വർണത്തിന്റെ വിലയിൽ ഗ്രാമിന് 145 രൂപയും 14 കാരറ്റ് സ്വർണത്തിന് ഗ്രാമിന് 110 രൂപയും വർധിച്ചിട്ടുണ്ട്.ഇന്ന് രാവിലേയും സ്വർണവില വർധിച്ചിരുന്നു. ഇന്ന് രാവിലെ(28/01/2026) സ്വർണവില ഗ്രാമിന് 295 രൂപ വർധിച്ച് 15,140 രൂപയായിരുന്നു. പവൻ വില ഗ്രാമിന് 2360 രൂപ വർധിച്ച് 1,21,120 രൂപയായും ഉയർന്നിരുന്നു. ഇതിന് പിന്നാലെയാണ് ഉച്ചക്ക് ശേഷവും വില വർധനവ് ഉണ്ടാവുന്നത്.
ആഗോള വിപണിയിൽ സ്പോട്ട് ഗോൾഡിന്റെ വിലയിൽ ഔൺസിന് 208.55 ഡോളറിന്റെ വർധനവുണ്ടായി. 5,293 ഡോളറിലാണ് സ്വർണത്തിന്റെ വ്യാപാരം ആഗോള വിപണിയിൽ പുരോഗമിക്കുന്നത്.യു.എസ് ഡോളർ ദുർബലമാവുന്നത് സ്വർണവില ഉയരുന്നതിനുള്ള പ്രധാനകാരണം.
