ഇന്ത്യന് സ്പേസ് റിസര്ച്ച് ഓര്ഗനൈസേഷന്റെ പിഎസ്എല്വി -സി 62 വിന്റെ വിക്ഷേപണം ജനുവരി 12ന്. ശ്രീഹരിക്കോട്ടയിലെ സതീഷ് ധവാന് സ്പേസ് സെന്ററിലെ ഒന്നാം വിക്ഷേപണത്തറയില്നിന്നാണ് വിക്ഷേപണം. പിഎസ്എല്വിയുടെ 64ാം വിക്ഷേപണമാണിത്. രണ്ട് സ്ട്രാപ്പ് - ഓണ് ബൂസ്റ്ററുകളുള്ള പിഎസ്എല്വി ഡിഎല് വേരിയന്റ് ഉപയോഗിക്കുന്ന അഞ്ചാമത്തെ വിക്ഷേപണമാണിത്. കഴിഞ്ഞ വര്ഷം പിഎസ്എല്വി സി 61 വിക്ഷേപണത്തില് നേരിട്ട പരാജയത്തിന് ശേഷമുള്ള പിഎസ്എല്വിയുടെ ആദ്യ വിക്ഷേപണമാണിത്. ചന്ദ്രയാന്, മംഗള്യാന് തുടങ്ങിയ ഇന്ത്യയുടെ അഭിമാന നേട്ടങ്ങളില് ഉപയോഗിച്ച പിഎസ്എല്വി ഐഎസ്ആര്ഒയുടെ ഏറ്റവും വിശ്വസനീയമായ വിക്ഷേപണ വാഹനമാണ്.
