സോഷ്യൽ മീഡിയയിൽ ഇപ്പോൾ പുതിയൊരു ട്രെൻഡ് ഉണ്ടായിരിക്കുകയാണ്.. സ്റ്റുഡിയോ ഗിബ്ലി സ്റ്റൈലിലുള്ള ചിത്രങ്ങൾ ഉണ്ടാക്കുന്ന ട്രെൻഡിന് ശേഷം ആളുകൾ ഇപ്പോൾ ചാറ്റ്ജിപിടി ഉപയോഗിച്ച് തങ്ങളുടെ സ്വന്തം രൂപത്തിലുള്ള റിയലിസ്റ്റിക് 'ആക്ഷൻ ഫിഗറുകൾ' ഉണ്ടാക്കുന്നതിന്റെ പിന്നാലെയാണ്. ഓപ്പൺഎഐയുടെ ഈ ആർട്ടിഫിഷ്യൽ ഇൻ്റലിജൻസ് ടൂൾ ഉപയോഗിച്ച് നിങ്ങൾക്കും ഈ പുതിയ ട്രെൻഡിൽ പങ്കുചേരാം. അതെങ്ങനെയെന്ന് നോക്കാം.
നിങ്ങളുടെ സ്വന്തം ആക്ഷൻ ഫിഗർ ചാറ്റ്ജിപിടിയിൽ ഉണ്ടാക്കുന്നതെങ്ങനെ?
വളരെ എളുപ്പത്തിൽ നിങ്ങൾക്കും സ്വന്തം ആക്ഷൻ ഫിഗർ ചിത്രം ഉണ്ടാക്കിയെടുക്കാൻ താഴെയുള്ള കാര്യങ്ങൾ ചെയ്താൽ മതി:
ചാറ്റ്ജിപിടി തുറക്കുക: നിങ്ങളുടെ ഫോണിലെ ആപ്പോ കമ്പ്യൂട്ടറിലെ വെബ്സൈറ്റോ ഉപയോഗിച്ച് ചാറ്റ്ജിപിടിയിലേക്ക് പോകുക.
GPT-4o തിരഞ്ഞെടുക്കുക: പുതിയ ചാറ്റ് തുടങ്ങുമ്പോൾ ഏറ്റവും പുതിയ മോഡലായ GPT-4o ആണ് തിരഞ്ഞെടുത്തിരിക്കുന്നതെന്ന് ഉറപ്പുവരുത്തുക.
ഫോട്ടോയും നിർദ്ദേശവും നൽകുക: നിങ്ങളുടെ ഒരു ചിത്രം അപ്‌ലോഡ് ചെയ്യുക. അതിനുശേഷം താഴെക്കൊടുത്തിരിക്കുന്ന രീതിയിലുള്ള ഒരു വിവരണം (പ്രോംപ്റ്റ്) ടൈപ്പ് ചെയ്ത് നൽകുക. ഇതിൽ '[Your Name]', '[Your designation]' എന്ന ഭാഗത്ത് നിങ്ങളുടെ പേരും ജോലിയോ തസ്തികയോ ചേർക്കാൻ മറക്കരുത്.
Using the photo of me that I will upload, create a realistic action figure of myself in a blister pack, styled like a premium collectible toy. The figure should be posed standing upright. The blister pack should have a red header with the text '[Your Name]' in large white letters, and below it, 'Your designation' in smaller white letters. Add an 'Ages 17+' label in the top right corner of the header. Include accessories in compartments on the right side of the figure: a notebook, a pen, a small camera, and a laptop with a ChatGPT logo on it. The background of the blister pack should be beige. Ensure the action figure retains my facial features and general appearance from the uploaded photo, with a serious expression, and render the image in high detail with photorealistic quality.
content_copy
download
.
കിട്ടുന്ന ചിത്രം എത്രത്തോളം മികച്ചതാണ്?
എല്ലാവർക്കും ഒരുപോലെ മികച്ച ഫലം കിട്ടണമെന്നില്ല.. എന്നാൽ സോഷ്യൽ മീഡിയയിൽ പലരും തങ്ങൾക്ക് ലഭിച്ച, തങ്ങളുമായി നല്ല രൂപസാദൃശ്യമുള്ള ആക്ഷൻ ഫിഗർ ചിത്രങ്ങൾ പങ്കുവെക്കുന്നുണ്ട്. ഒരുപക്ഷേ നിങ്ങൾ നൽകുന്ന ഫോട്ടോയുടെ വ്യക്തതയും ക്ലാരിറ്റിയും അനുസരിച്ച് ഫലങ്ങളിൽ വ്യത്യാസം വരാം. അതുകൊണ്ട്, സ്വയം ഒന്ന് പരീക്ഷിച്ച് നോക്കുന്നതാണ് നല്ലത്.
എന്തുകൊണ്ടാണ് ഇപ്പോൾ ഈ ട്രെൻഡ് വന്നത്?
ടെക്സ്റ്റ് നിർദ്ദേശങ്ങളിൽ നിന്ന് ചിത്രങ്ങൾ ഉണ്ടാക്കാൻ ചാറ്റ്ജിപിടിക്ക് നേരത്തെയും കഴിവുണ്ടായിരുന്നു. എന്നാൽ ഈയടുത്താണ് ഓപ്പൺഎഐ, ചാറ്റ്ജിപിടിയുടെ പ്രധാന മോഡലായ GPT-4o ന് നേരിട്ട് ചിത്രങ്ങൾ നിർമ്മിക്കാനുള്ള ശേഷി നൽകിയത്. മുമ്പ് ഡാൽ-ഇ പോലുള്ള മറ്റൊരു ടൂളിന്റെ സഹായം ഇതിന് ആവശ്യമായിരുന്നു.
ഈ മാറ്റത്തോടെ, ചാറ്റ്ജിപിടിക്ക് കൂടുതൽ കൃത്യതയോടെയും സ്വാഭാവികതയോടെയും ചിത്രങ്ങൾ ഉണ്ടാക്കാൻ സാധിച്ചു. പലതരം ആർട്ട് സ്റ്റൈലുകൾ, ഫോട്ടോ പോലെ തോന്നുന്ന ചിത്രങ്ങൾ, ഇൻഫോഗ്രാഫിക്സ് എന്നിവയെല്ലാം ഉണ്ടാക്കാനും എഡിറ്റ് ചെയ്യാനും കഴിയും. ഇതോടെയാണ് ആളുകൾ പുതിയ സാധ്യതകൾ പരീക്ഷിക്കാൻ തുടങ്ങിയതും ഗിബ്ലി സ്റ്റൈലിന് ശേഷം ആക്ഷൻ ഫിഗർ ചിത്രങ്ങൾ ഇത്രയധികം പ്രചാരം നേടിയതും.
