സന്തോഷ് ട്രോഫിയില് കേരളത്തെ വീഴ്ത്തി ബംഗാളിന് കിരീടം. എതിരില്ലാത്ത ഒരു ഗോളിനായിരുന്നു ബംഗാളിന്റെ വിജയം. ഗോള്രഹിതമായ ആദ്യ പകുതിക്ക് ശേഷം രണ്ടാം പകുതിയുടെ ഇഞ്ചുറി ടൈമില് റോബി ഹാന്സ്ഡയാണ് ബംഗാളിന് വേണ്ടി വിജയഗോള് നേടിയത്.
ഇഞ്ചുറി ടൈമില് സമനില ഗോള് നേടാന് കേരളത്തിന് അവസരം ലഭിച്ചെങ്കിലും ബോക്സിന് അകത്തു നിന്ന് ലഭിച്ച ഇന്ഡയറക്ട് ഫ്രീ കിക്കില് ക്യാപ്റ്റന് സഞ്ജു എടുത്ത ഷോട്ട് പുറത്തേക്ക് പോയതോടെ കേരളത്തിന്റെ പ്രതീക്ഷകള്ക്ക് മങ്ങലേല്ക്കുകയായിരുന്നു.
