ബെംഗളൂരു: രാജ്യാന്തര സൗഹൃദ ഫുട്ബോൾ മത്സരത്തിൽ, ഫിഫ റാങ്കിങ്ങിൽ 138–ാം സ്ഥാനക്കാരായ ഇന്ത്യ 44–ാം സ്ഥാനക്കാരായ പാനമയെ സമനിലയിൽ തളച്ചു . ശ്രീകണ്ഠീരവ സ്റ്റേഡിയത്തിൽ ആദ്യ പകുതിയിൽ ഇന്ത്യയായിരുന്നു മുന്നിൽ. 41-ാം മിനിറ്റിൽ ഇന്ത്യൻ ഫോർവേഡ് റയാൻ വില്യംസ് പാനമ പ്രതിരോധത്തെ മറികടന്ന് മനോഹരമായ ഫിനിഷിലൂടെ ഇന്ത്യയ്ക്ക് ലീഡ് സമ്മാനിച്ചു. തുടർന്ന് തിരിച്ചടിക്കാൻ പരവേശം കാണിച്ച പാനമയെ മിനിട്ടുവരെ പിടിച്ചുകെട്ടാൻ ഇന്ത്യയ്ക്ക് കഴിഞ്ഞു. ഒടുവിൽ 68-ാം മിനിറ്റിൽ ബോക്സിന് പുറത്തുനിന്നുള്ള ഒരു ലോംഗ് റേഞ്ചർ ഷോട്ടിലൂടെ പാനമയുടെ ഒമർ വലൻസിയ സമനില ഗോൾ നേടി. 3 മത്സരങ്ങളടങ്ങിയ ഈ അന്താരാഷ്ട്ര സൗഹൃദ പരമ്പരയിലെ ആദ്യ മത്സരമാണിത്.
ലോക ഫുട്ബോളിലെ വമ്പന്മാരായ ബ്രസീലിനെ നേരിടും മുൻപു സ്വന്തം ശക്തിദൗർബല്യങ്ങൾ മനസ്സിലാക്കാൻ ഇന്ത്യൻ ഫുട്ബോൾ ടീമിന് ഒരു അവസരംകൂടി ലഭിച്ചു.
