ഗുജറാത്തിലെ അഹമ്മദാബാദിൽ എട്ടാം ക്ലാസ് വിദ്യാർത്ഥി പത്താം ക്ലാസ് വിദ്യാർത്ഥിയെ സ്കൂളിൽ വെച്ച് കുത്തിക്കൊന്നു. ഗോദ്രയിലെ സെവൻത് ഡേ സ്കൂളിലാണ് ഈ ദാരുണമായ സംഭവം നടന്നത്.
വിവരമറിഞ്ഞ് സ്കൂളിലെത്തിയ രക്ഷിതാക്കളും നാട്ടുകാരും ശക്തമായ പ്രതിഷേധം നടത്തി. രോഷാകുലരായ ജനക്കൂട്ടം സ്കൂളിന് നേരെ ആക്രമണം നടത്തുകയും അടിച്ചുതകർക്കുകയും ചെയ്തു. കൊലപാതകത്തിലേക്ക് നയിച്ച കാരണം ഇതുവരെ വ്യക്തമായിട്ടില്ല.
സംഭവത്തെ തുടർന്ന് പൊലീസ് സ്ഥലത്തെത്തി അന്വേഷണം ആരംഭിച്ചു. പ്രദേശത്ത് സംഘർഷാവസ്ഥ നിലനിൽക്കുന്നതിനാൽ സുരക്ഷ ശക്തമാക്കിയിട്ടുണ്ട്. സ്കൂളുകളിലെ വിദ്യാർത്ഥികളുടെ സുരക്ഷയെയും വർധിച്ചുവരുന്ന അക്രമസംഭവങ്ങളെയും കുറിച്ച് ഗുരുതരമായ ആശങ്കകൾ ഉയർത്തുന്നതാണ് ഈ സംഭവം.
