പങ്കാളിയായ യുവതിയെ ക്രൂരമായി മർദ്ദിച്ച സംഭവത്തിൽ യുവമോർച്ച എറണാകുളം ജില്ലാ ജനറൽ സെക്രട്ടറി ഗോപു പരമശിവനെതിരെ പാർട്ടി നടപടി സ്വീകരിച്ചു. അദ്ദേഹത്തെ ബി.ജെ.പി.യുടെ പ്രാഥമിക അംഗത്വത്തിൽ നിന്ന് പുറത്താക്കി.
കഴിഞ്ഞ ദിവസമാണ് മർദ്ദനമേറ്റ യുവതി എറണാകുളം മരട് പൊലീസ് സ്റ്റേഷനിൽ എത്തി പരാതി നൽകിയത്. മൊബൈൽ ഫോൺ ചാർജർ ഉപയോഗിച്ചാണ് ഗോപു തന്നെ ക്രൂരമായി മർദ്ദിച്ചതെന്ന് യുവതി പരാതിയിൽ പറയുന്നു. സംഭവത്തിൽ ഗോപുവിനെതിരെ പൊലീസ് കൊലപാതക ശ്രമത്തിന് കേസെടുത്തിരുന്നു.
യുവാവിൻ്റെ ഫേസ്ബുക്ക് പ്രൊഫൈൽ ചിത്രങ്ങളും, യുവതിയുടെ ശരീരത്തിൽ മർദ്ദനമേറ്റതിൻ്റെ പാടുകൾ വ്യക്തമാക്കുന്ന ചിത്രങ്ങളും ദൃശ്യങ്ങളിൽ കാണിക്കുന്നുണ്ട്. യുവമോർച്ച എറണാകുളം ജില്ലാ ജനറൽ സെക്രട്ടറിയാണ് ഗോപു പരമശിവൻ.
