ന്യൂഡൽഹി: ഇന്ത്യന് പുരുഷ ഫുട്ബോള് ടീം പരിശീലകന് ഇഗോര് സ്റ്റിമാക്കിനെ പുറത്താക്കി അഖിലേന്ത്യ ഫുട്ബോള് ഫെഡറേഷന്. സ്റ്റിമാക്കിന്റെ കരാര് റദ്ദാക്കിയതായി എഐഎഫ്എഫ് അറിയിച്ചു. 2026 ഫിഫ ലോകകപ്പിനുള്ള യോഗ്യത റൗണ്ടിലെ തോല്വിയാണ് സ്റ്റിമാക്കിനെ പുറത്താക്കാന് കാരണമെന്ന് അഖിലേന്ത്യ ഫുട്ബോള് ഫെഡറേഷന് വാര്ത്താക്കുറിപ്പിലൂടെ വ്യക്തമാക്കി.
ഇന്നലെ ചേര്ന്ന അഖിലേന്ത്യ ഫുട്ബോള് ഫെഡറേഷന്റെ യോഗമാണ് ഒറ്റക്കെട്ടായി നിര്ണായക തീരുമാനമെടുത്തത്. എഐഎഫ്എഫ് വൈസ് പ്രസിഡന്റ് എന്.എ. ഹാരിസിന്റെ അധ്യക്ഷതയിലായിരുന്നു യോഗം.
