കോപ്പ അമേരിക്ക ഫുട്ബോളില് കാനഡയെ തകര്‍ത്ത് അര്‍ജന്റീന ഫൈനലില്‍. ആദ്യ സെമിയില്‍ എതിരില്ലാത്ത രണ്ട് ഗോളുകള്‍ക്കായിരുന്നു അര്‍ജന്റീനയുടെ ജയം. 22ാം മിനിറ്റില്‍ മുന്നേറ്റതാരം ജൂലിയന്‍ അല്‍വാരസും 51-ാം മിനിറ്റില്‍ നായകന്‍ ലയണല്‍ മെസ്സിയും ഗോള്‍ നേടി.
കാനഡയുടെ പ്രതിരോധത്തിലെ പാളിച്ച മുതലെടുത്തായിരുന്നു അര്‍ജന്റീനയുടെ മുന്നേറ്റം. വ്യാഴാഴ്ച പുലര്‍ച്ചെ നടക്കുന്ന കൊളംബിയ-യുറഗ്വായ് രണ്ടാം സെമി ഫൈനലിലെ വിജയിയാണ് ഫൈനലില്‍ അര്‍ജന്റീനയുടെ എതിരാളി.
