ഡല്‍ഹിയുടെ തട്ടകത്തില്‍ ലക്നൗ സൂപ്പര്‍ജയന്റ്സിന് തോല്‍വി. 19 റണ്‍സിനാണ് ഡല്‍ഹി കാപ്പിറ്റല്‍സ് ലക്നൗവിനെ വീഴ്ത്തിയത്. ടോസ്സ് നേടിയ ലക്നൗ ബൗളിംഗ് തെരഞ്ഞെടുത്തെങ്കിലും ഡല്‍ഹിയുടെ അഭിഷേക് പോറലിന്റെയും ട്രിസ്റ്റന്‍ സ്റ്റബ്സിന്റെയും പ്രകടനം ഡല്‍ഹിയുടെ സ്‌കോര്‍ 4 വിക്കറ്റിന് 208 എന്ന സ്‌കോറിലെക്കെത്തിച്ചു.
വിജയപ്രതീക്ഷയെന്നോണം ലക്നൗവിന്റെ നിക്കോളാസ് പൂരനും അര്‍ഷാദ് ഖാനും അര്‍ദ്ധസെഞ്ചുറി നേടിയെങ്കിലും 20 ഓവര്‍ പിന്നിട്ടപ്പോള്‍ 9 വിക്കറ്റില്‍ 189 റണ്‍സാണ് ലക്നൗ നേടിയത്. ലഖ്‌നൗ പരാജയപ്പെട്ടതോടെ പ്ലേ ഓഫ് ഉറപ്പിച്ച് രാജസ്ഥാന്‍ റോയല്‍സ്. കൊല്‍ക്കത്തയ്ക്ക് പിന്നാലെയാണ് രാജസ്ഥാനും പ്ലേ ഓഫ് ഉറപ്പിച്ചത്.
