മുന്‍ ഇന്ത്യന്‍ ക്രിക്കറ്റ് താരം ദിലീപ് ദോഷി അന്തരിച്ചു. 77 വയസായിരുന്നു. ഹൃദയാഘാതത്തെ തുടര്‍ന്ന് ലണ്ടനിലായിരുന്നു അന്ത്യം. ഇടംകൈയന്‍ സ്പിന്നറായിരുന്ന ദോഷി 1979 ൽ ഓസ്ട്രേലിയക്കെതിരായ ടെസ്റ്റിലാണ് ഇന്ത്യക്കായി അരങ്ങേറ്റം കുറിക്കുന്നത്. ഇന്ത്യക്ക് വേണ്ടി 33 ടെസ്റ്റും 15 ഏകദിനവും കളിച്ചിട്ടുണ്ട്. ടെസ്റ്റിൽ 114 വിക്കറ്റും ഏകദിനത്തിൽ 22 വിക്കറ്റും നേടി. താരത്തിന്റെ വിയോഗത്തില്‍ സൗരാഷ്ട്ര ക്രിക്കറ്റ് അസോസിയേഷനും ബിസിസിഐയും അനുശോചനം രേഖപ്പെടുത്തി.
