കൊല്ലം ടാർ മിക്സിങ് പ്ലാന്റിൽ നിന്നുള്ള പുക ശ്വസിച്ച് സ്കൂൾ വിദ്യാർഥികൾക്ക് ദേഹാസ്വാസ്ഥ്യം. കൊട്ടിയം ഓക്സിലിയം ഐ.എസ്.സി സ്കൂളിലെ സ്കൂളിലെ അമ്പതിലേറെ വിദ്യാർഥികളെയാണ് ശ്വാസതടസ്സവും മറ്റ് അസ്വസ്ഥതകളും അനുഭവപ്പെട്ടതിനെ തുടർന്ന് ആശുപത്രിയിൽ പ്രവേശിപ്പിച്ചത്.
ചില കുട്ടികൾക്ക് ഓക്സിജൻ സപ്പോർട്ട് നൽകിയിട്ടുണ്ട്. നേരത്തെ ആരോഗ്യപ്രശ്നങ്ങൾ ഉണ്ടായപ്പോൾ പഞ്ചായത്ത് സ്റ്റോപ്പ് മെമ്മോ നൽകിയിരുന്നെങ്കിലും ഹൈക്കോടതി ഉത്തരവ് നേടിയാണ് പ്ലാന്റ് വീണ്ടും പ്രവർത്തനം തുടങ്ങിയതെന്ന് നാട്ടുകാർ പറയുന്നു.