കണ്ണൂർ കോർപ്പറേഷൻ അസിസ്റ്റന്റ് എഞ്ചിനീയർ കൈക്കൂലി വാങ്ങുന്നതിനിടെ പിടിയിൽ. താഴെ ചൊവ്വ സ്വദേശി പി മുഹമ്മദ് അസ്ലം ആണ് പിടിയിലായത്. കെട്ടിടത്തിന് പെർമിറ്റ് നൽകാൻ ആയിരുന്നു കൈക്കൂലി ആവശ്യപ്പെട്ടത്.
കെട്ടിടത്തിന് പെർമിറ്റ് നൽകാൻ 15,000 രൂപ കൈക്കൂലി വാങ്ങുന്നതിനിടെയാണ് പി മുഹമ്മദ് അസ്ലം പിടിയിലായത്. 20,000 രൂപ ആയിരുന്നു ഇയാൾ ആവശ്യപ്പെട്ടത്. പണവുമായി അപേക്ഷകനോട് കാൽടെക്സ് പരിസരത്ത് എത്താൻ ആവശ്യപ്പെടുകയായിരുന്നു. കൈക്കൂലി ലഭിക്കാനായി 10 മാസമാണ് കണ്ണൂർ കോർപ്പറേഷൻ അസിസ്റ്റന്റ് എഞ്ചിനീയർ അപേക്ഷ വൈകിപ്പിച്ചത്.
