കാസർഗോഡ്: ആർഎസ്എസ് വേദിയിലെത്തി സംസാരിക്കുകയും ഭാരതാംബയുടെ ചിത്രത്തിൽ പൂക്കളർപ്പിച്ചും സിപിഐ നേതാവ് സുന്ദരി ഷെട്ടി . കാസർഗോട്ടെ ഹിന്ദു ഏകതാ സമ്മേളനത്തിലാണ് പങ്കെടുത്തത്. മീഞ്ച പഞ്ചായത്ത് മുൻ പ്രസിഡന്റും സിപിഐ മുൻ ജില്ലാ കൗൺസിൽ അംഗവുമാണ് സുന്ദരി ഷെട്ടി.കാസർഗോഡ് കേന്ദ്രീകരിച്ച് വിവിധ പഞ്ചായത്തുകളിൽ ഹിന്ദു ഏകതാ സമ്മേളനം സംഘപരിവാർ നടത്തിവരുന്നുണ്ട്.
തെരഞ്ഞെടുപ്പ് നടക്കാനിരിക്കെ പുതിയ പ്രചാരണവുമായി രംഗത്തെത്തുകയാണ് ആർഎസ്എസ്. ഈ പരിപാടിയിലാണ് സിപിഐ നേതാവ് സുന്ദരി ഷെട്ടി പങ്കെടുത്തത്. ഹൊസംഗടിയിൽ വെച്ച് നടന്ന പരിപാടിയിലാണ് പങ്കെടുത്തത്. പരിപാടിയിൽ ആശംസയർപ്പിച്ച് സംസാരിക്കുകയും ഭാരതാംബയുടെ ചിത്രത്തിൽ പൂക്കളർപ്പിക്കുകയും ചെയ്തു.സുന്ദരി ഷെട്ടിയിൽ നിന്ന് ജില്ലാ നേതൃത്വം വിശദീകരണം തേടിയിട്ടുണ്ട് എന്നാണ് റിപ്പോർട്ട്.
