കണ്ണൂർ സർവ്വകലാശാല യൂണിയൻ തെരഞ്ഞെടുപ്പിൽ എസ്എഫ്ഐക്ക് ജയം. തെരഞ്ഞെടുപ്പ് നടന്ന മുഴുവൻ സീറ്റുകളിലും എസ്എഫ്ഐ വിജയിച്ചു.കാസർഗോഡ് ജില്ലാ എക്സിക്യൂട്ടീവ് യുഡിഎസ്എഫിൽ നിന്ന് പിടിച്ചെടുത്തു. വയനാട് ജില്ലാ എക്സിക്യൂട്ടീവിൽ എം എസ് എഫ് സ്ഥാനാർഥി എതിരില്ലാതെ തെരഞ്ഞെടുക്കപ്പെട്ടിരുന്നു.
ചെയർപേഴ്സനായി കെ അശ്വിനിയും ജന.സെക്രട്ടറിയായി ഇ ശ്രീഹരിയും തെരഞ്ഞെടുക്കപ്പെട്ടു. തുടർച്ചയായ 27ാം വർഷമാണ് എസ്എഫ്ഐ യൂണിയൻ നിലനിർത്തുന്നത്.
കാലിക്കറ്റ് സർവകലാശാല വിദ്യാർത്ഥി യൂണിയൻ നിലനിർത്തി യുഡിഎസ്എഫ്. ജനറൽ സീറ്റുകൾ തൂത്തുവാരി. അതേസമയം, തൃശ്ശൂർ, പാലക്കാട് ജില്ലാ എക്സിക്യൂട്ടീവ് എസ്എഫ്ഐ നിലനിർത്തി.
