ദുബായ്: 2024ലെ ഐസിസി ക്രിക്കറ്റർ ഓഫ് ദ ഇയർ ആയി ഇന്ത്യൻ ഫാസ്റ്റ് ബൗളർ ജസ്പ്രീത് ബുംറ തെരഞ്ഞെടുക്കപ്പെട്ടു. ഇന്ത്യയിൽനിന്ന് ഒരു പേസ് ബൗളർ ഈ ബഹുമതിക്ക് അർഹനാകുന്നത് ചരിത്രത്തിലാദ്യം.
13 ടെസ്റ്റ് മത്സരങ്ങളിൽ 71 വിക്കറ്റ് സ്വന്തമാക്കിയ സ്വപ്നസമാനമായ പ്രകടനമാണ് ബുംറയെ പുരസ്കാരത്തിന് അർഹനാക്കിയത്. ഇതിൽ 32 വിക്കറ്റുകൾ ഓസ്ട്രേലിയക്കെതിരായ ബോർഡർ - ഗവാസ്കർ ട്രോഫി പരമ്പരയിൽ മാത്രം നേടിയതാണ്.
ഇംഗ്ലണ്ടിന്റെ ജോ റൂട്ട്, ഓസ്ട്രേലിയയുടെ ട്രാവിസ് ഹെഡ്, ശ്രീലങ്കയുടെ കമിന്ദു മെൻഡിസ് എന്നിവരിൽനിന്നുള്ള ശക്തമായ മത്സരത്തെ അതിജീവിച്ചാണ് ബുംറ ഒന്നാം സ്ഥാനത്തെത്തിയത്.
