ഗുവാഹത്തി: അഭിഷേക് ശർമയുടെ ബാറ്റിംഗ് കരുത്തില് കീവിസിനെതിരെ മൂന്നാം ടി 20യിൽ ഇന്ത്യ എട്ട് വിക്കറ്റ് ജയം നേടി.ഇതോടെ ടി20യില് വേഗത്തില് അര്ധ സെഞ്ചുറി പൂര്ത്തിയാക്കുന്ന രണ്ടാമത്തെ ഇന്ത്യന് താരമായി അഭിഷേക് ശര്മ. ന്യൂസിലന്ഡിനെതിരെ മൂന്നാം ടി20യില് 14 പന്തില് താരം അര്ധ സെഞ്ചുറി പൂര്ത്തിയാക്കി. അഭിഷേക് (20 പന്തില് പുറത്താവാതെ 68), സൂര്യകുമാര് യാദവ് (26 പന്തില് പുറത്താവാതെ 57) എന്നിവരുടെ ഇന്നിംഗ്സുകളാണ് ഇന്ത്യയെ അനായാസ വിജയത്തിലേക്ക് നയിച്ചത്. ഇതോടെ പരമ്പരയും ഇന്ത്യ സ്വന്തമാക്കി.
ഗുവാഹത്തി, ബര്സപര ക്രിക്കറ്റ് സ്റ്റേഡിയത്തില് ടോസ് നഷ്ടപ്പെട്ട് ബാറ്റിംഗിനെത്തിയ ന്യൂസിലഡ് ഒമ്പത് വിക്കറ്റ് നഷ്ടത്തില് 153 റണ്സാണ് നേടിയത്. മറുപടി ബാറ്റിംഗില് ഇന്ത്യ 10 ഓവറില് രണ്ട് വിക്കറ്റ് മാത്രം നഷ്ടത്തില് ലക്ഷ്യം മറികടന്നു.
