ഐഎസ്എല്ലിൽ ബ്ലാസ്റ്റേഴ്സ് കളിക്കും.ഫെബ്രുവരിയിലാണ് മത്സരങ്ങൾ നടത്താൻ ഇപ്പോൾ തീരുമാനമായിരിക്കുന്നത്. ഓൾ ഇന്ത്യ ഫുട്ബോൾ ഫെഡറേഷനുമായും (എഐഎഫ്എഫ്) മറ്റ് അധികൃതരുമായും നടത്തിയ ചർച്ചകൾക്ക് ശേഷമാണ് ക്ലബ്ബ് പങ്കാളിത്തം ഉറപ്പാക്കിയത്. ഈ വിഷയത്തിൽ കൃത്യസമയത്ത് ഇടപെടുകയും ചർച്ചകൾക്ക് മധ്യസ്ഥത വഹിക്കുകയും ചെയ്ത കേന്ദ്ര കായിക മന്ത്രാലയത്തിന് ക്ലബ്ബ് നന്ദി അറിയിച്ചു.
ബ്ലാസ്റ്റേഴ്സ് ഉള്പ്പെടെ പതിനാല് ടീമുകളും ലീഗില് കളിക്കാന് സമ്മതം അറിയിച്ച് കഴിഞ്ഞു. സെപ്റ്റംബറില് തുടങ്ങേണ്ടിയിരുന്ന ഇന്ത്യന് സൂപ്പര് ലീഗിന്റെ കിക്കോഫ് പ്രതീക്ഷിക്കുന്നത് ഫെബ്രുവരി പതിനാലിന്. മത്സരങ്ങള് മേയ് 17 വരെ നീണ്ടുനില്ക്കും. വ്യാഴം മുതല് ഞായര് വരെയാവും ഓരോ ആഴ്ചയിലേയും മത്സരങ്ങള്. കളിതുടങ്ങുക വൈകിട്ട് ഏഴരയ്ക്ക്. രണ്ടുമത്സരങ്ങള് നടക്കുക ശനിയും ഞായറും, വൈകിട്ട് അഞ്ചിനും ഏഴരയ്ക്കും.
