കോഴിക്കോട് ബേപ്പൂര് സ്റ്റേഷനില് പൊലീസിന്റെ ക്രൂരമര്ദ്ദനത്തിനിരയായെന്ന് യുവാവിന്റെ പരാതി. ഇരുപതുകാരനായ ബേപ്പൂര് സ്വദേശി അനന്തുവാണ് മര്ദ്ദനത്തിനിരയായത്. അതേസമയം അനന്തുവും സുഹൃത്ത് അര്ജുനും കഞ്ചാവ് വലിച്ചെന്ന പേരില് ബേപ്പൂര് പൊലീസ് കേസെടുത്തു. അനന്തുവിനെ മര്ദ്ദിച്ച സംഭവത്തില് മുഖ്യമന്ത്രിക്ക് ഉള്പ്പെടെ പരാതി നല്കുമെന്ന് പിതാവ് ഷിബു കേരള വിഷന് ന്യൂസിനോട് പറഞ്ഞു. പട്ടിക കൊണ്ട് തലയുടെ പിറകില് ഉള്പ്പെടെ അടിച്ചതായി അനന്തുവും പറഞ്ഞു.
