അമൃത്സർ: ഡൽഹിയിൽ നിന്നും അമൃത്സറിലേക്ക് പുറപ്പെട്ട എയർ ഇന്ത്യ വിമാനം പാകിസ്ഥാനിലെ വ്യോമാതിർത്തിയിൽ പ്രവേശിച്ചു. ജൂൺ 22നാണ് ഗുരുതരമായ സുരക്ഷാവീഴ്ചക്കിടയാക്കിയ ഈ സംഭവമുണ്ടായത്. തിങ്കളാഴ്ച അമൃത്സറിൽ ലാൻഡിംഗ് നടത്താൻ സാധിക്കാതെ വന്നതോടെ വിമാനം വീണ്ടും പറന്നുയർന്നു. ഈ സമയത്താണ് പാക് അതിർത്തി കടന്നും വിമാനം പറന്നത്. ഗുരുതര സുരക്ഷാവീഴ്ചയുണ്ടായ ഈ സംഭവത്തിൽ ഉടൻ തന്നെ അധികൃതർക്ക് വിവരം കൈമാറി. സംഭവത്തിൽ അന്വേഷണം ആരംഭിച്ചെന്നും എയർ ഇന്ത്യ അധികൃതർ അറിയിച്ചു.
അമൃത്സർ വിമാനത്താവളത്തിൽ ലാൻഡിംഗ് നടത്താനാവാതെ പറന്നുയർന്നപ്പോൾ എഐ1479 ഡൽഹി-അമൃത്സർ വിമാനം പാക് വ്യോമാതിർത്തിയിലേക്ക് പ്രവേശിച്ചു. സംഭവത്തെക്കുറിച്ച് അധികൃതർക്ക് റിപ്പോർട്ട് നൽകി. ആഭ്യന്തര അന്വേഷണം നടക്കുകയാണ്.' എയർ ഇന്ത്യ അധികൃതർ വ്യക്തമാക്കി. വിമാനത്തിലെ യാത്രക്കാരുടെയും ജീവനക്കാരുടെയും ജിവന്റെ സുരക്ഷയ്ക്ക് തങ്ങൾ പ്രധാന ശ്രദ്ധ നൽകുന്നതായും എയർ ഇന്ത്യ അറിയിച്ചു.
