കൊല്ലം കൊട്ടാരക്കര താലൂക്ക് ആശുപത്രിയിലെ ഹൌസ് സർജനായിരുന്ന ഡോ.വന്ദന ദാസിനെ കൊലപ്പെടുത്തിയ കേസിലെ പ്രതി സന്ദീപിന്റെ ജാമ്യ ഹര്ജി സുപ്രീംകോടതി ഇന്ന് പരിഗണിക്കും.
അതേസമയം സന്ദീപിന് ജാമ്യം നല്കരുതെന്ന് ആവശ്യപ്പെട്ട് സംസ്ഥാന സര്ക്കാര് സുപ്രീംകോടതിയെ സമീപിച്ചു. സന്ദീപിന് ജാമ്യം നല്കരുതെന്നും സന്ദീപ് പുറത്തിറങ്ങുന്നത് സമൂഹത്തിന് ഭീഷണിയാണെന്നും സര്ക്കാര് കോടതിയെ അറിയിച്ചു.
സാമൂഹ്യവിരുദ്ധ സ്വഭാവമുള്ള വ്യക്തിയാണ് സന്ദീപ്. ഇയാൾ മദ്യപിച്ച് സ്ഥിരം പ്രശ്നമുണ്ടാക്കിയിരുന്ന ആളാണെന്നും അറിയിച്ചുകൊണ്ടാണ് സംസ്ഥാന സര്ക്കാര് സുപ്രീംകോടതിയില് സത്യവാങ്മൂലം നൽകിയത്.
ജാമ്യം അനുവദിച്ചാല് പ്രതി ഒളിവില് പോകാനും തെളിവ് നശിപ്പിക്കാനും സാധ്യതയുണ്ട്. ജാമ്യം നല്കുന്നത് സമൂഹത്തിന് തെറ്റായ സന്ദേശം നല്കുമെന്നും സര്ക്കാര് കോടതിയെ അറിയിച്ചു.
