തൃശൂർ ശ്രീ കേരളവർമ്മ കോളേജ് യൂണിയന് ചെയർമാൻ തിരഞ്ഞെടുപ്പിലെ റീ കൗണ്ടിങ് ഇന്ന് നടക്കും.വോട്ടെണ്ണൽ വീണ്ടും നടത്തണമെന്ന ഹൈക്കോടതി ഉത്തരവിനെ തുടർന്നാണ് നടപടി. രാവിലെ 9 മണിക്ക് പ്രിൻസിപ്പലിന്റെ ചേമ്പറിൽ ആണ് വോട്ടെണ്ണൽ നടക്കുക.
നിലവിൽ കോളേജിലെ സ്ട്രോങ്ങ് റൂമിൽ സൂക്ഷിച്ചിരിക്കുന്ന ബാലറ്റ് പെട്ടികൾ 9 മണിയോടെ പ്രിൻസിപ്പലിന്റെ ചേമ്പറിൽ എത്തിക്കും.വോട്ടെണ്ണൽ മുഴുവനായും ക്യാമറയില് ചിത്രീകരിക്കും. കെ.എസ്.യുവിൻ്റെ ചെയർമാൻ സ്ഥാനാർത്ഥി ശ്രീക്കുട്ടന് ശിവദാസൻ നല്കിയ ഹര്ജിയിൽ ആണ് റീക്കൗണ്ടിംഗിന് ഹൈക്കോടതി ഉത്തരവിട്ടത്.
