കൊച്ചി: നടിയെ ആക്രമിച്ച കേസില് ദിലീപിനെ കോടതി കുറ്റവിമുക്തനാക്കിയതിന് പിന്നാലെ രാഹുല് ഈശ്വറിന്റെ ഫെയ്സ്ബുക്ക് പേജില് പ്രതികരണം. രാഹുലിൻ്റെ ഭാര്യ ദീപയാണ് രാഹുല് ഈശ്വറിന് പകരം പോസ്റ്റ് പങ്കുവെച്ചത്. സത്യമേവ ജയതേ എന്ന കുറിപ്പോടെ ദിലീപും രാഹുല് ഈശ്വറുമൊത്തുള്ള ഫോട്ടോ പങ്കുവച്ചാണ് പ്രതികരണം.
നേരത്തേ നടിയെ ആക്രമിച്ച കേസില് വിധി പറയുമ്പോൾ കേസില് എട്ടാം പ്രതിയായ ദിലീപിന് വേണ്ടി ചാനല് ചർച്ചകളില് താനുണ്ടാകുമെന്ന് രാഹുല് ഈശ്വർ പറഞ്ഞിരുന്നു. എന്നാല് ഇദ്ദേഹത്തിന് ഇത് സാധിച്ചില്ല. രാഹുല് മാങ്കൂട്ടത്തിലിനെതിരായ ലൈംഗിക പീഡന കേസിലെ പരാതിക്കാരിയെ സമൂഹ മാധ്യമത്തില് അപമാനിച്ചെന്ന കേസില് ജയിലില് കഴിയുകയാണ് രാഹുല് ഈശ്വർ. ജയിലില് നടത്തിവന്ന നിരാഹാര സമരം ഇദ്ദേഹം അവസാനിപ്പിച്ചിരുന്നു.
