പിഎസ്സി പരീക്ഷ എഴുതാൻ കഴിയാത്തവർക്ക് അവസരം. മേയ് 24ലെ ബിരുദതല പ്രാഥമിക പരീക്ഷ എഴുതാൻ കഴിയാത്തവർക്കാണ് പിഎസ്സി അവസരം ഒരുക്കിയിരിക്കുന്നത്. പരീക്ഷ എഴുതാത്തതിന്റെ കാരണം വ്യക്തമാക്കുന്ന മതിയായ രേഖകൾ സഹിതം അപേക്ഷിച്ചാൽ ജൂൺ 28ന് നടക്കുന്ന രണ്ടാംഘട്ട പരീക്ഷ എഴുതാൻ സാധിക്കും. . അംഗീകൃത സർവകലാശാലകൾ/ സ്ഥാപനങ്ങൾ നടത്തിയ പരീക്ഷയുണ്ടായിരുന്നവർ രണ്ട് പരീക്ഷകളുടെയും അഡ്മിഷൻ ടിക്കറ്റ് ഹാജരാക്കണം. ജൂൺ രണ്ടുമുതൽ ഏഴുവരെ ലഭിക്കുന്ന അപേക്ഷകൾ മാത്രമേ പരിഗണിക്കൂ. ജൂൺ രണ്ടിനു മുമ്പ് ലഭ്യമായ അപേക്ഷകൾ പരിഗണിക്കില്ല.
