ഉത്തരാഖണ്ഡ് ഹെലികോപ്റ്റര്‍ അപകടത്തില്‍ ഹെലികോപ്റ്റര്‍ കമ്പനിക്കെതിരെ ഗുരുതര വീഴ്ചയെന്ന് കണ്ടെത്തല്‍. ഓപ്പറേഷണല്‍ മാനേജരടക്കം 2 പേര്‍ക്കെതിരെ മനപ്പൂര്‍വമല്ലാത്ത നരഹത്യക്ക് കേസെടുത്തു. ഹെലികോപ്റ്റര്‍ പറന്നുയരാന്‍ അനുവദിച്ച സമയത്തിനേക്കാള്‍ 50 മിനിറ്റ് മുമ്പ് ഹെലികോപ്റ്റര്‍ ടേക്ക് ഓഫ് ചെയ്തുവെന്നാണ് വിവരം. പ്രദേശത്ത് കാര്‍മേഖവും മൂടല്‍മഞ്ഞും നിറഞ്ഞിരുന്നു. കാലാവസ്ഥ പ്രതികൂലമാണെന്ന് അറിഞ്ഞിട്ടും സര്‍വീസ് നടത്തിയെന്നത് ഗുരുതര വീഴ്ചയാണെന്നാണ് കണ്ടെത്തല്‍.
