തിരുവനന്തപുരം: മന്ത്രിസഭായോഗത്തിനു ശേഷം ജനക്ഷേമകരമായ വമ്പൻ പ്രഖ്യാപനങ്ങളുമായി മുഖ്യമന്ത്രി പിണറായി വിജയൻ. സംസ്ഥാനത്ത് ക്ഷേമ പെൻഷൻ 2000 ആക്കി ഉയർത്തി. 400രൂപയുടെ വർധനവാണ് വരുത്തിയിരിക്കുന്നത്. നെല്ലിന്റെ സംഭരണവില കൂട്ടി. 30രൂപയാക്കി വർധിപ്പിച്ചു.
സ്ത്രീ സുരക്ഷയ്ക്ക് വേണ്ടി പുതിയ പദ്ധതിയും മുഖ്യമന്ത്രി പിണറായി വിജയൻ പ്രഖ്യാപിച്ചു . ട്രാൻസ് സ്ത്രീകൾ അടക്കമുള്ള പാവപ്പെട്ട സ്ത്രീകൾക്ക് സഹായം ലഭ്യമാവുമെന്ന് മുഖ്യമന്ത്രി വാർത്താസമ്മേളനത്തിൽ അറിയിച്ചു. നിലവിൽ ഏതെങ്കിലും സഹായം കിട്ടാത്ത സ്ത്രീകൾക്ക് പ്രതിമാസം 1000 രൂപ സ്ത്രീ സുരക്ഷ പെൻഷൻ നൽകും. 35-60 വയസ്സുവരെയുള്ള നിലവില് ഏതെങ്കിലും സാമൂഹിക ക്ഷേമ പെന്ഷന് ലഭിക്കാത്ത എഎവൈ മഞ്ഞക്കാര്ഡ്, പിഎച്ച്എച്ച് മുന്ഗണനാവിഭാഗം പിങ്ക് കാര്ഡ് വിഭാഗത്തില്പ്പെട്ട സ്ത്രീകള്ക്ക് പ്രതിമാസം ആയിരം രൂപ വീതം സ്ത്രീസുരക്ഷാ പെന്ഷന് അനുവദിക്കും. 33.34 ലക്ഷം സ്ത്രീകള് ഈ പദ്ധതികളുടെ ഉപഭോക്താക്കളാകും. പ്രതിവര്ഷം 3800 കോടി രൂപ അധിക ചേലവ് പ്രതീക്ഷിക്കുന്നു
കുടുംബ എഡിഎസുകൾക്കുള്ള ഗ്രാന്റ് പ്രതിമാസം ആയിരം രൂപയാക്കി. സർക്കാർ ജീവനക്കാർക്ക് ഒരു ഗഡു ഡിഎ കൂട്ടി. പെൻഷൻകാർക്കും ആശ്വാസമുള്ളതാണ് പ്രഖ്യാപനം. നവംബർ മാസം തന്നെ ഇത് വിതരണം ചെയ്യും. അംഗനവാടി വർക്കർ, ഹെല്പർ എന്നിവർക്കുള്ള ഓണറേറിയം ആയിരം രൂപ കൂട്ടി. സാക്ഷരതാ പ്രേരക് മാരുടെ ഓണറേറിയവും ആശമാർക്ക് 1000 രൂപ കൂട്ടി പ്രതി മാസ ഓണറേറിയം നൽകുമെന്നും മുഖ്യമന്ത്രി അറിയിച്ചു.
