രണ്ട് ദിവസങ്ങളിലായി തുടരുന്ന കനത്ത മഴയില്‍ വടക്കുകിഴക്കന്‍ സംസ്ഥാനങ്ങളില്‍ വ്യാപക നാശ നഷ്ടം. കാലവര്‍ഷക്കെടുതിയില്‍ ഇതുവരെ 34 പേര് മരിച്ചതായാണ് റിപ്പോര്ട്ട്. അസമിലാണ് ഏറ്റവും കൂടുതല്‍ മരണം റിപ്പോര്ട്ട് ചെയ്തിരിക്കുന്നത്. അസമില്‍ 15 ജില്ലകളിലായി 78,000 പേരെ കാലവര്‍ഷക്കെടുതി ബാധിച്ചിട്ടുണ്ടെന്നാണ് റിപ്പോര്‍ട്ടുകള്‍. ടീസ്റ്റ നദി കരകവിഞ്ഞൊഴുകിയതിനെ തുടര്‍ന്ന് സിക്കിമിലും വ്യാപകനാശമുണ്ടായി. വടക്കന്‍ സിക്കിമില്‍ 1,200-ലധികം വിനോദസഞ്ചാരികള്‍ കുടുങ്ങി. മുന്‍ഷിതാങ്ങില്‍ ടീസ്റ്റ നദിയിലേക്ക് വാഹനം മറിഞ്ഞ് കാണാതായ എട്ട് വിനോദസഞ്ചാരികളെ ഇതുവരെ കണ്ടെത്താനായിട്ടില്ല. മണിപ്പൂരില്‍ 883 വീടുകള്‍ ഇതിനോടകം തകര്‍ന്നിട്ടുണ്ടെന്നാണ് കണക്കുകള്‍.
