ഇന്ത്യ- പാക് സംഘര്‍ഷാവസ്ഥ രൂക്ഷമാകുന്നതിനിടെ ഇറാന്‍ വിദേശകാര്യ മന്ത്രി രണ്ട് ദിവസത്തെ സന്ദര്‍ശനത്തിനായി ഇന്ത്യയിലെത്തി. ഇന്ത്യ-ഇറാന്‍ ജോയിന്റ് കമ്മീഷന് യോഗത്തില്‍ ഡോ.അബ്ബാസ് അരഗ്ചി സഹഅധ്യക്ഷത വഹിക്കും. 2024 ഓഗസ്റ്റില്‍ അധികാരമേറ്റതിനുശേഷം അദേഹം ആദ്യമായാണ് ഇന്ത്യ സന്ദര്‍ശിക്കുന്നത്. വിദേശകാര്യ മന്ത്രി എസ്. ജയശങ്കറുമായുള്ള ഉഭയകക്ഷി കൂടിക്കാഴ്ചയും പരിപാടിയില്‍ ഉള്‍പ്പെടുന്നുണ്ട്. മെയ് 8 ന് ഹൈദരാബാദ് ഹൗസില്‍ വിദേശകാര്യ മന്ത്രി എസ് ജയശങ്കറുമായി അരഗ്ചി ഉഭയകക്ഷി കൂടിക്കാഴ്ച നടത്തും. പിന്നീട്, രാഷ്ട്രപതി ഭവനില്‍ പ്രസിഡന്റ് ദ്രൗപതി മുര്‍മുവിനെയും അദ്ദേഹം കാണും.
