നീറ്റ് യുജി പരീക്ഷാ ക്രമക്കേടിലെ കോടതി വിധി പുനപരിശോധിക്കണമെന്നാവശ്യപ്പെട്ടുള്ള ഹര്‍ജി തള്ളി സുപ്രീം കോടതി. പുതിയ നീറ്റ്-യുജി 2024 പരീക്ഷയ്ക്കുള്ള അപേക്ഷകള്‍ തള്ളിയ സുപ്രീംകോടതിയുടെ ഓഗസ്റ്റ് 2 ലെ മുന്‍ ഉത്തരവ് പുനഃപരിശോധിക്കണമെന്ന് ആവശ്യപ്പെട്ടായിരുന്നു ഹര്‍ജി. ചീഫ് ജസ്റ്റിസ് ഡി വൈ ചന്ദ്രചൂഡ്, ജസ്റ്റിസുമാരായ ജെ ബി പര്‍ദിവാല, മനോജ് മിശ്ര എന്നിവരടങ്ങിയ ബെഞ്ചാണ് ഹര്‍ജി പരിഗണിച്ചത്. വിഷയത്തില്‍ തുറന്ന കോടതിയില്‍ വാദം കേള്‍ക്കണമെന്ന ആവശ്യവും സുപ്രീം കോടതി തള്ളി.
