ക്രിസ്തുമസ് പുതുവല്‍ത്സരത്തിനോടനുബന്ധിച്ച് വിമാന നിരക്ക് കുത്തനെ ഉയര്‍ത്തി കമ്പനികള്‍. ഇരട്ടിയിലധികമാണ് ഇത്തവണത്തെ നിരക്ക്. 5000 രൂപ ഉണ്ടായിരുന്ന ഡല്‍ഹി- കോഴിക്കോട് റൂട്ടിലെ നിരക്ക് ഇപ്പോള്‍ 12000 രൂപയായി. ക്രിസ്തുമസിനോടടുത്ത ദിവസങ്ങളിലാണെങ്കില്‍ 32000 രൂപ വരെ നല്‍കണം എന്ന സ്ഥിതിയാണ്. ഡല്‍ഹിയില്‍ നിന്നും തിരുവനന്തപുരത്തേക്കും കൊച്ചിയിലേക്കുമുള്ള ടിക്കറ്റ് നിരക്കിലും വന്‍ വര്‍ധനയാണ്. വരും ദിവസങ്ങളില്‍ ടിക്കറ്റ് നിരക്ക് ഇനിയും ഉയരാനാണ് സാധ്യത.
