അമേരിക്കൻ പ്രസിഡന്റ് ഡൊണാൾഡ് ട്രംപിന് ഫിഫ സമാധാന പുരസ്കാരം. വാഷിംഗ്ടണിൽ നടന്ന ഫിഫ ലോകകപ്പ് 2026-ന്റെ ഗ്രൂപ്പ് ഘട്ട നറുക്കെടുപ്പ് ചടങ്ങിൽ ഫിഫ പ്രസിഡന്റ് ജിയാനി ഇൻഫാന്റിനോയാണ് പുരസ്കാരം പ്രഖ്യാപിച്ചത്. ഫിഫയുടെ ചരിത്രത്തിൽ ആദ്യമായാണ് ഇത്തരമൊരു പുരസ്കാരം ഏർപ്പെടുത്തുന്നത്.
സ്വർണ്ണക്കപ്പും മെഡലും സർട്ടിഫിക്കറ്റും അടങ്ങുന്നതാണ് പുരസ്കാരം. ദശലക്ഷക്കണക്കിന് ജനങ്ങളുടെ ജീവൻ രക്ഷിക്കാനായി നടത്തിയ പ്രവർത്തനങ്ങൾക്കാണ് ഈ അംഗീകാരമെന്ന് ട്രംപ് പ്രതികരിച്ചു. ലഭിച്ച അംഗീകാരം തന്റെ ജീവിതത്തിലെ ഏറ്റവും വലിയ ബഹുമതികളിലൊന്നാണെന്നും അദ്ദേഹം കൂട്ടിച്ചേർത്തു.
ഫിഫ പ്രസിഡന്റ് ജിയാനി ഇൻഫാന്റിനോ ട്രംപിന് നേരിട്ട് പുരസ്കാരം സമ്മാനിച്ചു. ലോകമെമ്പാടുമുള്ള ഫുട്ബോൾ പ്രേമികൾ ഉറ്റുനോക്കിയ ചടങ്ങിലായിരുന്നു പ്രഖ്യാപനം. 2026 ലോകകപ്പിന്റെ ആവേശത്തിനിടെ നൽകിയ ഈ പുരസ്കാരം അന്താരാഷ്ട്ര തലത്തിൽ ശ്രദ്ധേയമായിരിക്കുകയാണ്.
