വിദ്വേഷ പ്രസംഗം നടത്തിയതിന് അറസ്റ്റിലായ നടി കസ്തൂരിയെ പൊലീസ് ചെന്നൈയിലെ കോടതിയില്‍ ഹാജരാക്കും. നടിയെ തമിഴ്നാട് പൊലീസ് തെലങ്കാനയില്‍ നിന്ന് വൈകിട്ടോടെ ചെന്നൈയിലെത്തിക്കും. ഹൈദരാബാദിലെ ഗച്ചിബൗളിയില്‍ നിര്‍മാതാവിന്റെ വസതിയില്‍ നിന്നാണ് നടി ഇന്നലെ രാത്രി അറസ്റ്റിലായത്.
മുൻകൂര്‍ ജാമ്യാപേക്ഷ മദ്രാസ് ഹൈക്കോടതി തള്ളിയതിനെ തുടര്‍ന്നാണ് നടി ഹൈദരാബാദിലേക്ക് കടന്നത്. തെലുങ്കര്‍ക്കെതിരെ മോശം പരാമര്‍ശം നടത്തിയെന്നാണ് കസ്തൂരിക്കെതിരായ പരാതി. അതേസമയം കസ്തൂരിയുടെ അറസ്റ്റിനെതിരെ ബ്രാഹ്‌മണ സഭ രംഗത്തെത്തി.
