ഡൽഹിയുടെ പേര് ഇന്ദ്രപ്രസ്ഥ എന്നാക്കണമെന്ന് ആവശ്യപ്പെട്ട് ബിജെപി എംപി പ്രവീൺ ഖണ്ഡേൽവാൾ കേന്ദ്ര ആഭ്യന്തര മന്ത്രി അമിത് ഷായ്ക്ക് കത്തയച്ചു. സാംസ്കാരികവും ചരിത്രപരവുമായ പ്രാധാന്യം കണക്കിലെടുത്താണ് ഈ ആവശ്യം ഉന്നയിക്കുന്നതെന്ന് കത്തിൽ പറയുന്നു. ഓൾഡ് ഡൽഹി റെയിൽവേ സ്റ്റേഷൻ ഇന്ദ്രപ്രസ്ഥ കവല എന്നും, വിമാനത്താവളം ഇന്ദ്രപ്രസ്ഥ വിമാനത്താവളം എന്നും പുനർനാമകരണം ചെയ്യണമെന്നും കത്തിൽ ആവശ്യപ്പെട്ടിട്ടുണ്ട്. കൂടാതെ, മഹാഭാരതത്തിലെ കഥാപാത്രങ്ങളായ പാണ്ഡവരുടെ പ്രതിമകൾ ഡൽഹിയിലെ പ്രധാന സ്ഥലങ്ങളിൽ സ്ഥാപിക്കണമെന്നും പ്രവീൺ ഖണ്ഡേൽവാൾ ആവശ്യപ്പെടുന്നു.
