തിരുവനന്തപുരം: എംആർ അജിത്കുമാറിനെ ബെവ്കോയുടെ ചെയർമാനായി നിയമിച്ചു. എക്സൈസ് കമ്മീഷണറെന്നെ പദവിക്കു പുറമേയാണ് നിയമനം. നിലവിൽ ഹർഷിത അട്ടല്ലൂരിയാണ് സിഎംഡി. എംഡിയായി ഹർഷിത തുടരുമെന്നാണ് വിവരം.
2021 വരെ എക്സൈസ് കമ്മിഷണര് തന്നെയായിരുന്നു ബവ്കോയുടെ ചെയര്മാന്. പിന്നീട് യോഗേഷ് ഗുപ്ത ബവ്കോ തലപ്പത്ത് എത്തിയപ്പോള് അദ്ദേഹത്തിന്റെ സീനിയോറിറ്റി പരിഗണിച്ച് സിഎംഡിയായാണ് നിയമിച്ചത്. പിന്നീട് വന്നവരും സിഎംഡിയായാണ് ചുമതല നിര്വഹിച്ചിരുന്നത്. പുതിയ ഉത്തരവിലൂടെ എക്സൈസ് അജിത് കുമാറിനെ ബവ്കോ ചെയര്മാന് ആയി നിയമിച്ചിരിക്കുകയാണ്.
