ബലാത്സംഗ കേസിൽ ഉൾപ്പെട്ട് ഒളിവിൽ പോയ ശേഷം തിരിച്ചെത്തിയ രാഹുൽ മാങ്കൂട്ടത്തിലിന് താമസിക്കുന്ന ഫ്ലാറ്റ് ഒഴിയാൻ നോട്ടീസ്. പാലക്കാട്ടെ ഫ്ലാറ്റ് അസോസിയേഷനാണ് രാഹുൽ മാങ്കൂട്ടത്തിലിന് നോട്ടീസ് നൽകിയിരിക്കുന്നത്.
ഈ മാസം 25-നകം ഫ്ലാറ്റ് ഒഴിയണമെന്നാണ് അസോസിയേഷൻ ആവശ്യപ്പെട്ടിട്ടുള്ളത്. രാഹുൽ മാങ്കൂട്ടത്തിൽ ഫ്ലാറ്റിൽ താമസിക്കുന്നത് മറ്റ് താമസക്കാർക്ക് ബുദ്ധിമുട്ടുണ്ടാക്കുന്നു എന്ന് ചൂണ്ടിക്കാട്ടിയാണ് അസോസിയേഷൻ ഈ നടപടി സ്വീകരിച്ചിരിക്കുന്നത്.
ബലാത്സംഗ കേസിൽ 15 ദിവസത്തെ ഒളിവ് ജീവിതത്തിന് ശേഷമാണ് രാഹുൽ മാങ്കൂട്ടത്തിൽ കഴിഞ്ഞ ദിവസം പാലക്കാട് വോട്ട് ചെയ്യാനായി തിരിച്ചെത്തിയത്. എം.എൽ.എ. ആയി തിരഞ്ഞെടുക്കപ്പെട്ടതിന് ശേഷമാണ് അദ്ദേഹം പാലക്കാട്ടെ ഈ ഫ്ലാറ്റിൽ താമസം തുടങ്ങിയത്. നോട്ടീസിനോട് പ്രതികരിച്ച രാഹുൽ മാങ്കൂട്ടത്തിൽ, ഫ്ലാറ്റ് ഒഴിയാമെന്ന് അസോസിയേഷനെ അറിയിച്ചതായി റിപ്പോർട്ടുകളുണ്ട്.
