നടിയെ ആക്രമിച്ച കേസില് കടന്നുപോയത് നീതിക്കായുള്ള 3,215 ദിവസത്തെ കാത്തിരിപ്പെന്ന് വുമന് ഇന് സിനിമ കളക്ടീവ്. അവള് തുറന്നുവിട്ട പ്രതിരോധം ബാധിച്ചത് മലയാള സിനിമയെ മാത്രമല്ല, കേരളക്കരയെ ഒന്നാകെയാണ് എന്നും WCC സമൂഹമാധ്യത്തിൽ കുറിച്ചു. കേസില് ഇന്ന് വിധി വരാനിരിക്കെയാണ് ഫേസ്ബുക്കിലൂടെ അതിജീവിതയ്ക്ക് പിന്തുണയറിയിച്ച് ഡബ്ല്യുസിസി രംഗത്തെത്തിയത്. 'ഈ കാലയളവിലുടനീളം നിയമ സംവിധാനത്തിലുള്ള വിശ്വാസം കൈവിടാതെ അവള് കാണിച്ച ധൈര്യത്തിനും പ്രതിരോധ ശേഷിക്കും സമാനതകളില്ല. അവളുടെ പോരാട്ടം എല്ലാ അതിജീവിതകള്ക്കും വേണ്ടിയുള്ളതാണ്. ഞങ്ങള് അവളോടൊപ്പവും, ഇത് നോക്കി കാണുന്ന മറ്റെല്ലാ അതിജീവിതകള്ക്കൊപ്പവും നില്ക്കുന്നുമെന്നും ഡബ്ല്യുസിസി ഫേസ്ബുക്കിൽ കുറിച്ചു.
