കൊച്ചി: ഗാര്ഹിക പീഡനം അടക്കമുള്ള കുറ്റകൃത്യങ്ങള് ചെയ്തതായി ഭാര്യയില് നിന്നു തന്നെ പരാതി ലഭിച്ചിട്ടുള്ള മന്ത്രി കെബി ഗണേഷ് കുമാര് അത് ന്യായീകരിക്കാൻ ജവഹര്ലാൽ നെഹ്രുവിൻ്റെയും മാധവിക്കുട്ടിയുടെയും പേരുകള് ഉദ്ധരിക്കുന്നത് അപഹാസ്യമാണെന്ന് കെപിസിസി ജനറല് സെക്രട്ടറി ദീപ്തി മേരി വര്ഗീസ്.
സ്വന്തം തെറ്റ് മറച്ചുവയ്ക്കാൻ സ്വാതന്ത്ര്യസമര സേനാനികളെ കൂട്ടുപിടിക്കരുത്. ഈ വിഷയത്തില് കോണ്ഗ്രസ് ശക്തമായി പ്രതിഷേധിക്കും. കേരളവിഷൻ ന്യൂസിൻ്റെ പ്രത്യേക അഭിമുഖ പരിപാടിയായ ട്രൂകോളറില് സംസാരിക്കുകയായിരുന്നു ദീപ്തി മേരി വര്ഗീസ്.
