ശ്രീലങ്കയില്‍ കനത്ത നാശം വിതച്ച് ഡിറ്റ് വാ ചുഴലിക്കാറ്റ്. വെള്ളപ്പൊക്കത്തിലും മണ്ണിടിച്ചിലിലും മരിച്ചവരുടെ എണ്ണം 100 കടന്നു. നിരവധി പേരെ കാണാതായി. ദുരന്തം രണ്ട് ലക്ഷം പേരെ ബാധിച്ചതായാണ് റിപ്പോർട്ടുകൾ. രാജ്യത്ത് ഡിസംബർ 16 വരെ സ്കൂളുകൾ അടച്ചിടും. കൊളംബോ തുറമുഖം താത്കാലികമായി അടച്ചു. 700 ലധികം വീടുകൾ തകർന്നതായാണ് കണക്കുകൾ. അതെസമയം 30 ന് പുലർച്ചെയൊടെ ചുഴലിക്കാറ്റ് തമിഴ്നാട്-പുതുച്ചേരി, തെക്കൻ ആന്ധ്രാപ്രദേശ് തീരത്തേക്ക് നീങ്ങാൻ സാധ്യതയുണ്ടെന്നാണ് കാലാവസ്ഥാ നിരീക്ഷണ കേന്ദ്രത്തിന്റെ മുന്നറിയിപ്പ്. തമിഴ്‌നാട്ടിലെ തീരദേശ ജില്ലകളില്‍ ഇന്ന് ചുവപ്പ് മുന്നറിപ്പാണ്. എൻഡിആർഎഫ്, എസ്ഡിആർഎഫ് സംഘങ്ങളെ വിവിധ ജില്ലകളിൽ വിന്യസിച്ചിട്ടുണ്ട്.
