ആരോഗ്യനില മോശമായതിനെത്തുടർന്ന് ചികിത്സയിലായിരുന്ന പ്രശസ്ത ബോളിവുഡ് നടൻ ധർമേന്ദ്ര ആശുപത്രി വിട്ടു. നവംബർ ഒന്നിന് ശ്വാസതടസ്സം അനുഭവപ്പെട്ടതിനെ തുടർന്ന് മുംബൈയിലെ ബ്രിഡ്ജ് കാൻഡി ആശുപത്രിയിൽ പ്രവേശിപ്പിച്ച അദ്ദേഹത്തെ ഇന്ന് രാവിലെ 7:30 ഓടെയാണ് ഡിസ്ചാർജ് ചെയ്തത്. തുടർ ചികിത്സ വീട്ടിൽ നൽകാനാണ് കുടുംബം തീരുമാനിച്ചിരിക്കുന്നത്.
കഴിഞ്ഞ ദിവസങ്ങളിൽ ധർമേന്ദ്രയുടെ ആരോഗ്യനില ഗുരുതരമാണെന്നും മരിച്ചുവെന്ന തരത്തിലുള്ള അഭ്യൂഹങ്ങളും സമൂഹമാധ്യമങ്ങളിൽ പ്രചരിച്ചിരുന്നു. എന്നാൽ, ഈ അഭ്യൂഹങ്ങളെ തള്ളിക്കൊണ്ട്, മകൻ ഇഷാ ദിയോൾ അടക്കമുള്ള കുടുംബാംഗങ്ങൾ ധർമേന്ദ്രയുടെ ആരോഗ്യനില മെച്ചപ്പെട്ടുവരുന്നതായി അറിയിച്ചു. 89 വയസ്സുകാരനായ ധർമേന്ദ്ര ആഴ്ചകളായി ആശുപത്രിയിൽ ചികിത്സയിലായിരുന്നു.അദ്ദേഹത്തിന് എത്രയും വേഗം പൂർണ്ണമായി സുഖം പ്രാപിച്ച് സാധാരണ ജീവിതത്തിലേക്ക് തിരിച്ചുവരാൻ സാധിക്കട്ടെ എന്ന് ആശംസിക്കുന്നു.
