അമേരിക്കന് പ്രസിഡന്റ് ഡൊണാള്ഡ് ട്രംപിന്റെ ആഗോള തീരുവ പ്രഖ്യാപനം പ്രാദേശിക സമയം വൈകീട്ട് 4 മണിക്ക് നടക്കും. ഇന്ത്യന് സമയം വ്യാഴാഴ്ച പുലര്ച്ചെ ഒന്നരയ്ക്കാണ് പ്രഖ്യാപനം നടക്കുക. ലോക രാജ്യങ്ങള് ആശങ്കയോടെ ഉറ്റുനോക്കുന്ന പുതിയ തീരുവകള് ഉടന് പ്രാബല്യത്തില് വരുമെന്ന് വൈറ്റ് ഹൗസ് സെക്രട്ടറി കരോലിന് ലീവിറ്റ് സ്ഥിരീകരിച്ചു. എല്ലാ രാജ്യങ്ങള്ക്കും എതിരെ 20 ശതമാനം തീരുവ എന്ന നിര്ദേശമാണ് പ്രധാനമായും പരിഗണിക്കുന്നതെന്നാണ് സൂചന. അതേസമയം ഇതുസംബന്ധിച്ച് കൂടുതല് വിവരങ്ങള് വൈറ്റ് ഹൗസ് പുറത്തുവിട്ടില്ല.
